Kaj estos dum tiu tago granda lumo

La jaro pasas kaj restas multaj muzikaj aferoj por rakonti. Mi jam menciis mian denovan kantadon en ĥoro. Jen trovitaĵo de la jaro, kiu ankaŭ alcelas muzikon de antaŭ kelk cent jaroj:

La 88a elsendo de Fernsehkritik.TV (2012-03-09, rekta ligo al la parto) rande pritraktis novan televidelsendon, “Roche & Böhmermann”. Eblas bonege diskuti pri la nivelo de la babilronda elsendo aŭ eĉ nur admiri la fajnan humuron kaj la aspekton de la studio. Aldoniĝas la belega titola muziko. Kiel mi eltrovis tra la blogo de la elsendo, estas verko de Johann Sebastian Bach, nome la fugo en g-minora, ankaŭ nomata la fugeto, numero 578 en la Bach-verkaro-indekso. La sentempa muzikaĵo aperas en popmuzika vesto en versio de Swingle Singers el la 1970aj jaroj. Jen alia versio, kiu stile ege similas al ĝi, ĉar ĝi uzas ŝajne la saman aranĝadon:

Lakeside Singers: J.S. Bach “Little Organ Fugue BWV578″ arr. Ward Swingle

Post aŭskultado de moderna versio kompreneble interesis min, kiel sonas la verko en preĝejo. Jen surbendigo, kiu redonas la imponan sonon de orgeno:

Ton Koopman: Bach – Fugue in G minor BWV 578

Sed tie la interesaĵoj ne finiĝis! Ĉe Youtube troviĝas videoj, kie aŭskulteblas ajna fama muzikaĵo en praktike ĉiu instrumento ebla (kaj neebla). Trie kaj fine koncerta prezento de saksofona kvinteto:

Quintessence Saxophone Quintet Plays Bach: Fudge Fugue

La sama muzikaĵo en tri tute diversaj aranĝadoj, sed ĉiam brila. Tio montras la veran majstrecon de la komponisto.

Respondi

Retpoŝtadreso ne estos publikigita. Devigaj kampoj estas markitaj *

Vi rajtas uzi ĉi tiujn etikedojn kaj atribuojn de XHTML: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Kvizo kontraŭ rubokomentoj: