Monataj arkivoj: Majo 2012

Aliĝu al la celebrado

Wieder ist es Zeit für den jährlichen Eintrag auf Deutsch und Esperanto, also in meinen beiden Muttersprachen. Ich habe schon einmal über Comics (2003 und 2005) und über einen Film (2010) geschrieben, meistens jedoch (2004, 2006, 2007, 2008, 2009 und 2011) über ein Musikalbum – so auch diesmal.

Denove estas la tempo por la ĉiujara enskribo en la germana kaj Esperanto, do en ambaŭ miaj gepatraj lingvoj. Mi jam skribis pri komiksoj (en 2003 kaj 2005) kaj pri filmo (en 2010), plej ofte tamen (en 2004, 2006, 2007, 2008, 2009 kaj 2011) pri muzikalbumo – kaj ankaŭ ĉifoje.

Die ganze Rezension / La tuta recenzo

Vi pensas ke vi estas filmstelulo

Unu plia jaro da blogado – sed hodiaŭ ne estas tempo por rerigardo, sed skribi pri tre aktuala temo. Rogener Pavinski intencas produkti filmon pri la Kultura Esperanto-Festivalo (KEF) 2005. Kaj sufiĉas relegi la serion da enskriboj, kiun mi verkis pri tiu aranĝo, por scii, ke absolute indas fari tion kaj se entute eldoni filmon pri iu Esperanto-aranĝo, tiam ĝuste pri tiu KEF!

Sekve mi estas ege entuziasma pri la projekto “La Plejpleja Festivalo“. Ĝin eblas subteni tra indiegogo, TTT-ejo simila al kickstarter sed kun la eblo, doni monon ankaŭ ekster Usono. Mi volonte donacis 100 USD. Fakte mi eĉ membriĝis ĉe Paypal nur pro tio!

Jam la varbofilmo alportas multegajn memorojn. Mi mem aperas dum kelkaj sekundoj en la publiko, proksimume je 6:07.

Alvoko al la projekto “La plejpleja festivalo”

Venu kaj estu mia fiero

Mia muzika taglibro ekzistas ekde naŭ jaroj. Bedaŭrinde ekde januaro denove regas longa paŭzo en ĝi. Mi havas longan liston da temoj, sed ne trovas tempon aŭ koncentriĝon por skribi.

Por hodiaŭ mi denove elektis la temon U2. Mi ankoraŭ memoras, ke mi aĉetis la kompilon “La plej bonaj kantoj 1980 – 1990” en Catania fine de 1999, kiam mi studis tie. Antaŭ kelkaj monatoj mi trovis la dudiskan eldonon de tiu kompilo en vendejo por uzitaj diskoj. La dua disko enhavas b-flankojn (ne ĉiujn, sed multajn el tiu tempo).

En mia menso restis precipe tri kantoj. Ĉiujn U2 ne mem verkis.

La unua estas “Dancing Barefoot”. Iel ĝi pensigas min pri “alternativaj baladoj” kiel “Because The Night” de Patti Smith.

La dua estas “Everlasting Love”, kiun mi konas en la versioj de Sandra kaj de The Love Affair. La reludversio de U2 estas sen forta drumritmo, sed forta ritma gitaro. Tio substrekas la romantikecon de la kanto kaj la kantado (ankaŭ la harmonia!) pli bone aŭdeblas. Mi pensas, ke tiel la kanto bonege kongruas al la repertuaro kaj sono de U2.

La tri estas “Unchained Melody”. Kia koincido, mi tute ne sciis, ke U2 iam reludis ĝin! Kaj mi komparis la kanton jam al “Miss Sarajevo” pro la melankolieco kaj la frazo pri riveroj, kiuj fluas al la maro. Ankaŭ tiu kanto sonas kiel tipa U2-kanto.

Cetere intertempe mi ankaŭ trovis la dudiskan eldonon de “La plej bonaj kantoj 1990 – 2000”. Sed pri tiu mi skribu alian fojon.