Ĉesu la lamentadon

Mi promesis skribi pri la artistoj, kiujn mi malkovris tra la radio kun bona muziko. Pri Qntal mi jam skribis hieraŭ. Same kiel ili, ankaŭ Toeppel Butera tuj plaĉis al mi. Estis la kanto “Lass das Jammern sein” (Ĉesu la lamentadon) – skao en la germana! Pri Germanoj oni diras, ke ili inklinas al lamentado. La teksto ŝercas pri tio kaj la gaja muziko montras, ke oni ne prenu tion tro serioze.

Toeppel Butera: Lass das Jammern sein (vive)

La kanto instigis min, aĉeti la kvinpecan albumeton “Was Du tust” (Kion vi faras). La muziko bonege aldoniĝas al la germanlingva mondmuziko, precipe la kantoj “Mambo” de Herbert Grönemeyer, “System” de “Die Ärzte” kaj la albumo “Endlich Urlaub” de Farin Urlaub.

El la restantaj kvar kantoj, muzike plaĉas al mi “So egoman”. Estas malrapida regeo-kanto kun tre agrabla kantado en la refreno. Tio entute pensigas min pri Dem Gone de Gentleman. Li ja ankaŭ estas Germano!

Ne mankas malfeliĉa amkanto. Sed eĉ tiu surprizas per aparte fajna teksto. Mi trovis du diversajn videojn en la reto; ambaŭ havas sian propran ĉarmecon.

Toeppel Butera: Ich bin raus (vive)

Toeppel Butera: Ich bin raus (en sesio por radio)

Respondi

Retpoŝtadreso ne estos publikigita. Devigaj kampoj estas markitaj *

Kvizo kontraŭ rubokomentoj: