Vi estas radio-stelulo

Denove aperis nova (reta) radio, nome Radio Aktiva el Urugvajo. La 19an de septembro, la estro kontaktis min kaj petis pliajn informojn pri mia artista aktiveco. Post mia respondo ni interkonsentis pri intervjuo. La demandoj venis la 10an de oktobro. Mi tre ŝatis la demandaron, ĉar ili parte reagis al la informoj, kiujn mi estis doninta antaŭe. Krome mi havis la raran ŝancon, rakonti iomete pli profunde pri mia intenco malantaŭ la muziko. Kelkaj demandoj eĉ alcelis mian privatan vivon, sed ankaŭ ilin mi taksis respondeblaj kaj respondindaj. La 5an de novembro oni informis min, ke okazis voĉa registrado de la intervjuo. Mi mem nur povis respondi skribe, ĉar mi ne havas la eblon surbendigi retan babiladon. Mi tre scivolemas kiel sonos la preta intervjuo en la elsendo!

Respondi

Retpoŝtadreso ne estos publikigita. Devigaj kampoj estas markitaj *

Kvizo kontraŭ rubokomentoj: